राष्ट्रिय शोकलाई एकता र दृढ संकल्पमा बदलौं : जनार्दन शर्मा

काठमाडौं- प्रगतिशील लोकतान्त्रिक पार्टीका संरक्षक एवं पूर्वअर्थमन्त्री जनार्दन शर्मा ‘प्रभाकर’ले भोटेकोशीमा आएको भीषण बाढीबाट सिर्जित राष्ट्रिय शोकलाई आपसी एकता, शक्ति र दृहढ संकल्पमा बदल्न आह्वान गरेका छन्।

भाद्र १० गते आएको बाढीले खोसेका अमूल्य मानव जीवन र छिनभरमै उजाडिएका परिवारको चित्कारले सिङ्गो देशको हृदय छियाछिया बनाएको उल्लेख गर्दै शर्माले भौतिक संरचना पुनर्निर्माण गर्न सकिए पनि गुमेका आफन्त र भत्किएका सपना फर्काउन नसकिने बताएका छन्।