कुमकुम भाग्य अभिनेत्री सञ्चिता उगलेको निधन, घरमै झुण्डिएको अवस्थामा शव फेला

भारतीय टेलिभिजन अभिनेत्री सञ्चिता उगलेको ३० वर्षको उमेरमा निधन भएको छ। आइतबार साँझ मुम्बईको नालासोपारा पूर्वस्थित आफ्नै घरमा उनी झुण्डिएको अवस्थामा मृत फेला परेको भारतीय सञ्चारमाध्यमहरूले जनाएका छन्।

प्रहरीका अनुसार सञ्चिता आचोले गाउँस्थित घरमा आफ्ना आमाबुवा र १५ वर्षीया बहिनीसँग बस्दै आएकी थिइन्। आइतबार साँझ करिब ७ देखि ७:३० बजेको बीचमा घरमा एक्लै रहेका बेला उनले साडीको सहायताले सिलिङ फ्यानमा झुण्डिएर आत्महत्या गरेको प्रारम्भिक अनुसन्धानबाट खुलेको छ।