यशोदा बराल बोल्दैगर्दा किन उठिन् आशिका ?

काठमाडौँ । एमाले सांसद यशोदाकुमारी बराल बाेल्दै गर्दा सांसद आशिका तामाङले नियमापत्ति गरेकी छिन् । तामाङले ‘बेचेको’ भन्ने शब्द प्रयोग गरेको भन्दै उनले नियमापत्ति गरेकी हुन् ।

प्रतिनिधिसभामा विनियोजन विधेयकमाथि मन्त्रालयगत छलफलमा भाग लिँदै उनले सरकारले मधेस, कर्णाली र सुदूरपश्चिमको नाम बेचेर भोट ल्याए पनि अहिलेको बजेट त्यो अनुसार नआएको बताएकी थिइन् ।

तर, तामाङले नियमापत्ति गर्दै ‘कहाँ बेचेको, कसले बेचेको, के बेचेको ? तपाईँसँग यसको प्रमाण छ’ भन्दै प्रश्न गरेकी थिइन् । तर, सभामुखले बराललाई अघि बढ्न निर्देशन दिए । उनले अहिलेको बजेटलाई फूलपातीको संज्ञा दिइन् ।