मन्त्रीहरूले आफ्ना कमजोरी ढाकछोप गर्न अरूमाथि आरोप लगाए : सांसद शाही

काठमाडौं । नेपाली कम्युनिस्ट पार्टी (नेकपा)का सांसद महेन्द्रबहादुर शाहीले यसअघिका सरकारले गरेका गलत कामको छानबिन गर्न चुनौती दिएका छन् । सोमबार (असार १) संसद् भवन परिसरमा सञ्चारकर्मीसँग उनले वर्तमान मन्त्रीहरूले आफ्ना कमजोरी ढाकछोप गर्न यसअघिका सरकारले पनि गलत गरेको आरोप लगाइरहेको भन्दै त्यसको छानबिन गर्न चुनौती दिएका हुन् ।

सरकारको नेतृत्वमा बसेका मान्छेले धम्कीको भाषा प्रयोग गर्न नसुहाउने उनले बताए । यसअघिकाले नियम, कानुन, संविधानविपरीत काम गरेको भए छानबिन गरी कानुनी कारबाहीको दायरामा ल्याउने दायित्व र जिम्मेवारी सरकारको भएको उनको भनाइ थियो ।