डिजिटल मधेस दशक घोषणा

जनकपुरधाम । मधेस प्रदेश सरकारले सन् २०२६ देखि २०३६ सम्मका लागि ‘डिजिटल मधेस दशक’ घोषणा गरेको छ । प्रदेशका अर्थमन्त्री युवराज भट्टराईले सोमबार प्रदेश सभामा आगामी आर्थिक वर्ष (२०८३/०८४) को बजेट सार्वजनिक गर्दै आगामी १० वर्षका लागि डिजिटल मधेस दशक घोषणा गरी सोही अनुसार कार्यक्रम अघि बढाइने जानकारी दिए ।

उनले बजेटमार्फत सरकारीलाई अनुत्पादक तथा घरजग्गा लगायतका क्षेत्रमा लगानी गर्न निरुत्साहित गरिने कार्यक्रम ल्याइएको बताए । यस्तै, प्रदेश सरकारले आगामी वर्षको बजेटमार्फत ‘एक गाउँ एक डिप बोरिङ’ योजनामार्फत स्वच्छ खानेपानी आपूर्तिलाई जोड दिएको मन्त्री भट्टराईले उल्लेख गरे ।

उनले प्रादेशिक खेलाडी प्रोत्साहन तथा जीवन निर्वाह भत्तामार्फत खेलाडीलाई प्रोत्साहित गर्ने योजना पनि बजेटमार्फत सार्वजनिक गरे । नव उद्यमीका लागि कोषको व्यवस्था गरिने, सय दिने युवा रोजगारी ग्यारेन्टी कार्यक्रम सञ्चालन जस्ता विषय बजेटमा समेटिएको उनले बताए ।

११ औँ राष्ट्रिय खेलकुदका लागि आवश्यक पर्ने पूर्वाधार निर्माणमा संघीय सरकारसँग स्रोत सुनिश्चितता गरी काम अघि बढाइने मन्त्री भट्टराईले जनाए ।