संसाँझै पिंगलास्थानमा लुटपाट, व्यापारी बन्धक बनाएर फिरौती असुली

८ जेठ, काठमाडौं । काठमाडौं महानगरपालिका–८ पिंगलास्थानमा रहेको ‘हाम्रो डिजिटल स्टुडियो’का सञ्चालकलाई ४ वैशाखको संसाँझै एउटा समूहले अपहरण गरी लग्यो ।

रुपन्देहीको सियारी गाउँपालिका–५ घर भएका ६० वर्षीय विष्णु न्यौपानेले विगत केही वर्षदेखि पिंगलास्थानमा स्टुडियो सञ्चालन गर्दै आएका थिए। ४ वैशाखको साँझ नचिनेको एउटा समूह उनको स्टुडियोमा छिर्‍यो, नियन्त्रणमा लियो र कुटपिट गर्‍यो। स्टुडियोमा रहेको २ लाख नगद लुटेपछि मात्र पुगेन, उनलाई त्यहाँबाटै उठाई बागमती करिडोरहुँदै निलोपुलसम्म पुर्‍यायो।