मधेस बजेट : भौतिक पूर्वाधारमा १२ अर्ब एक करोड विनियोजन

जनकपुरधाम । मधेस प्रदेश सरकारले भौतिक पूर्वाधार क्षेत्रको विकासका निम्ति १२ अर्ब एक करोड रुपैयाँ बजेट विनियोजन गरेको छ । सोमबार (असार १) अर्थमन्त्री युवराज भट्टराईले प्रदेशसभामा आउँदो आर्थिक वर्षको बजेट प्रस्तुत गर्दै भौतिक पूर्वाधार क्षेत्रमा १२ अर्ब एक करोड रुपैयाँ विनियोजन गरिएको बताएका हुन् ।

मधेस सरकारले अरू मन्त्रालयको तुलनामा तीन गुणा बढी बजेट यो क्षेत्रमा विनियोजन गरेको छ ।

प्रदेश सरकारको आफ्नै भवन बनाउन उच्च प्राथमिकता दिइने र जग्गा प्राप्तिका निम्ति संघीय सरकारसँग समन्वय गरिने बजेटमा उल्लेख छ ।

#बजेट

#मधेस प्रदेश

#भौतिक पूर्वाधार