सुपरस्टारसँग रोहित अधिकारीको लगातार सहकार्य, अनमोल र पलसँग दुई फिल्म बनाउँदै

काठमाडौं– निर्माता रोहित अधिकारी नेपाली फिल्मका चर्चित स्टार कलाकारहरूसँग लगातार सहकार्य गर्ने तयारीमा देखिएका छन् । अनमोल केसीसँग महँगो पारिश्रमिकमा सम्झौता गरेसँगै रोहितले पल शाहलाई लिएर पनि नयाँ फिल्म निर्माण गर्ने तयारी अघि बढाएका छन् ।

रोहित अधिकारी फिल्मस्को ब्यानरमा निर्माण हुने दुई नयाँ फिल्ममा नेपाली फिल्मका लोकप्रिय अभिनेता अनमोल केसी तथा पल शाह मुख्य भूमिकामा रहने भएका छन् । यससँगै रोहितको आगामी फिल्म यात्रामा नेपाली फिल्मका दुई स्टार अभिनेता जोडिएका छन् ।