लागुऔषध कारोबारमा संलग्न १३ जना पक्राउ

लागुऔषध कारोबारमा संलग्न रहेको अभियोगमा प्रहरीले १३ जनालाई पक्राउ गरेको छ।

लागुऔषध नियन्त्रण ब्यूरो, कोटेश्वरबाट खटिएको प्रहरी टोलीले उनीहरूलाई पक्राउ गरेको हो ।

ब्यूरोका अनुसार विशेष सूचनाका आधारमा गरिएको कारबाहीका क्रममा उनीहरूको साथबाट २ लाख ९ हजार क्याप्सुल ट्रामाडोल बरामद भएको छ ।

लागुऔषधसहित पक्राउ परेकाहरूविरुद्ध थप अनुसन्धान भइरहेको ब्यूरोले जनाएको छ।