बैंकिङ कसुर मुद्दामा फरार व्यक्ति पक्राउ

जिल्ला प्रहरी कार्यालय रुकुम पश्चिमले एक फरार प्रतिवादीलाई पक्राउ गरेको छ । प्रहरीले जाजरकोटको नलगाड नगरपालिका–१, चिउरी निवासी ४० वर्षीय सुरेश विकलाई पक्राउ गरेको जनाएको छ ।

कार्यालयका सूचना अधिकारी प्रहरी निरीक्षक झविन्द्र परियारका अनुसार बैंकिङ कसुर मुद्दामा अनुसन्धानको क्रममा फरार रहेका बिकलाई आइतबार रुकुम पश्चिमको आठबिसकोट नगरपालिका–९, राडीबजारबाट पक्राउ गरिएको हो ।