किबोर्ड सर्टकटदेखि मल्टी मोनिटर सपोर्टसम्म, पावर टोइजको नयाँ संस्करणमा के-के थपियो ?

काठमाडौं । माइक्रोसफ्टले पावर टोइजको नयाँ संस्करण ०.१०० सार्वजनिक गरेको छ । पावर टोइजको २० औँ वार्षिकोत्सवको अवसरमा सार्वजनिक गरिएको यो अपडेटमा विन्डोज प्रयोगकर्ताका लागि उपयोगी नयाँ सुविधा र विभिन्न सुधारहरू समावेश गरिएको छ ।

नयाँ संस्करणमा “सर्टकट गाइड” नामक सुविधा थपिएको छ । यसले प्रयोग भइरहेको एपअनुसार उपलब्ध किबोर्ड सर्टकटहरूलाई साइडबारमा देखाउने काम गर्छ । यो सुविधाले सक्रिय एप पहिचान गरी त्यससँग सम्बन्धित सर्टकटहरू देखाउँछ र विभिन्न एपहरूलाई समर्थन गर्छ ।