क्यान्सर पहिचानमा कुकुर र एआई

भारत । कुकुरको तीव्र घ्राणशक्ति र कृत्रिम बौद्धिकता (एआई) को संयोजनबाट क्यान्सरको प्रारम्भिक संकत पहिचान गर्ने प्रयास भारतमा अघि बढाइएको छ। बेंगलुरुस्थित स्टार्टअप डोग्नोसिसले कुकुरको गन्धप्रतिको प्रतिक्रिया एआईमार्फत विश्लेषण गरी गैरआक्रामक परीक्षण विधि विकास गरिरहेको छ।

स्टार्टअपले उद्धार कुकुर ‘क्लो’ सहित १५ कुकुरलाई तालिम दिएको छ। कुकुरलाई सेन्सरयुक्त उपकरण लगाएर मस्तिष्क गतिविधि, श्वासप्रश्वास र शरीरको भाषा अभिलेख गरिन्छ। बिरामीले करिब १० मिनेट कपासको मास्कमा सास फेरेपछि नमूना प्रयोगशालामा लगेर कुकुरमार्फत परीक्षण गरिन्छ। बिरामीको कुकुरसँग प्रत्यक्ष सम्पर्क हुँदैन।