इथियोपियामा बस दुर्घटना हुँदा २८ जनाको मृत्यु

उत्तरी इथियोपियामा सोमबार भएको भयानक बस दुर्घटनामा कम्तीमा २८ जनाको ज्यान गएको छ भने अन्य धेरै यात्रु घाइते भएको स्थानीय अधिकारीहरूले जनाएका छन् । बस सडकबाट चिप्लिएर गहिरो खोलामा खस्दा ठूलो मानवीय क्षति भएको हो ।

अम्हारा क्षेत्रको डेसी सहरबाट राजधानी आदिस अबाबातर्फ जाँदै गरेको बस करिब १०० मिटर (३३० फिट) गहिरो खोलामा खसेको बताइएको छ । स्थानीय अधिकारीहरूले सामाजिक सञ्जाल फेसबुकमार्फत घटनाबारे जानकारी दिँदै दुर्घटनापछि उद्धार तथा अनुसन्धान कार्य जारी रहेको बताएका छन् ।