दिक्तेल बजारमा जमिनमुनि भेटिएको बम सेनाद्वारा निष्क्रिय

खोटाङको सदरमुकाम दिक्तेल बजारमा जमिन खन्ने क्रममा भेटिएको बम नेपाली सेनाले निष्क्रिय पारेको छ। दिक्तेल बजारको बेसक्याम्पस्थित निजी जग्गा खन्ने क्रममा आइतबार साँझ फेला परेको बम नेपाली सेनाको बम डिस्पोजल टोलीले सोमबार सुरक्षित रूपमा निष्क्रिय पारेको हो।

स्थानीय तारा सुन्दारको जग्गा खन्ने क्रममा फेला परेको उक्त विस्फोटक पदार्थ ‘नेपोलाइट’ नामक बम भएको जनाइएको छ। नेपाली सेनाको दिक्तेलस्थित रणभीम गण, मुडे ब्यारेकको बम डिस्पोजल टोलीले सोमबार बिहान ११ बजे उक्त बमलाई सुरक्षित स्थानमा लगेर निष्क्रिय पारेको जिल्ला प्रहरी कार्यालय खोटाङले जनाएको छ।