शान्तिपूर्ण र सुरक्षित समाजका लागि प्रहरीको एकल प्रयास मात्र पर्याप्त हुँदैन: महानिरीक्षक कार्की

प्रहरी महानिरीक्षक दान बहादुर कार्कीको प्रमुख आतिथ्यतामा रूपन्देहीको लुम्बिनीमा सोमबार शान्ति पदयात्रा तथा जनचेतनामूलक कार्यक्रम सम्पन्न भएको छ।

लुम्बिनी प्रदेश प्रहरी कार्यालयद्वारा आयोजित उक्त पदयात्रा लुम्बिनी सांस्कृतिक नगरपालिका–१० स्थित विश्व शान्ति दीपबाट सुरु भई अन्तर्राष्ट्रिय सभाहलमा पुगेर समापन भएको थियो।