बेलायतमा सामाजिक सञ्जाल चलाउन १६ वर्ष पार गर्नैपर्ने

लन्डन । बेलायतका प्रधानमन्त्री किर स्टार्मरले १६ वर्षमुनिका बालबालिकालाई सामाजिक सञ्जाल प्रयोग गर्न रोक लगाउने व्यापक नीति घोषणा गरेका छन् ।

सरकारले यसलाई बालबालिकालाई अनलाइन जोखिमबाट जोगाउने ‘ऐतिहासिक’ कदम भनेको छ । ‘सामाजिक सञ्जालले हाम्रा बालबालिकालाई दुःखी र असुरक्षित बनाइरहेको छ । अभिभावक र प्रधानमन्त्री दुवै रूपमा म यो अवस्था यथावत् रहन दिन सक्दिनँ,’ सोमबार जारी गरिएको भिडियो सन्देशमा स्टार्मरले भने ।