इरानी टोलीका मुख्य खम्बा तारेमी

काठमाडौँ । ३३ वर्षीय अनुभवी फरवार्ड मेहदी तारेमी वर्तमान इरानी राष्ट्रिय फुटबल टोलीका निर्विवाद संवाहक र कप्तान हुन्। जारी २०२६ फिफा विश्वकपमा इरानको 'टिम मेल्ली' का लागि उनी सबैभन्दा खतरनाक र मुख्य गोलकर्ताका रूपमा मैदान उत्रिँदै छन्।

अन्तर्राष्ट्रिय फुटबलमा ६० भन्दा बढी गोल गरिसकेका तारेमीले समूह ‘जी’ मा इरानी अग्रपङ्क्तिको नेतृत्व सम्हाल्नेछन्। इरानका लागि १०५ भन्दा बढी अन्तर्राष्ट्रिय खेल खेलिसकेका तारेमीको नाममा एउटा विरलै कीर्तिमान समेत रहेको छ। उनी विश्वकप प्रतियोगिताको एउटै संस्करणमा एकभन्दा बढी गोल गर्ने इतिहासकै एकमात्र इरानी खेलाडी हुन्। उनले सन् २०२२ को विश्वकपमा इङ्गल्यान्डविरुद्ध सानदार दुई गोल गर्दै उक्त कीर्तिमान आफ्नो नाममा लेखाएका थिए। उनको यही अनुभव र गोल गर्ने कौशले विपक्षी टोलीको रक्षापङ्क्तिलाई सधैँ दबाबमा राख्ने गर्दछ।