गण्डकीले पहिल्याउन सकेन आफ्नै खुट्टामा उभ्याउने बजेटको स्रोत

पोखरा । गण्डकी प्रदेश सरकारले आगामी आर्थिक वर्षको बजेट संसदमा प्रस्तुत गरिरहेको छ । हालसम्म ८ वटा बजेट कार्यान्वयन गरिसकेको सरकारले हालसम्म आफ्नै खुट्टामा उभ्याउने स्रोत खोज्न सकेको छैन । अझै सङ्घ सरकारको अनुदानमै भर पर्नुपर्ने अवस्था रहेको अर्थमन्त्री जितबहादुर शेरचनले बताए ।

चालू वर्षमा पनि सरकारले करिब ३ अर्ब मात्रै आन्तरिक आम्दानी गर्ने जनाएको छ । करिब ३२ अर्बको बजेटमध्ये ठुलो हिस्सा सङ्घबाट आउने अनुदानमा निर्भर छ भने बजेटमा राखिएको आन्तरिक ऋण लिने कार्यक्रम कार्यान्वयन गर्न सकेको छैन ।