कुमारी बैंकलाई इन्फोसिस फिन्याकल अवार्ड २०२६ मा प्ल्याटिनम सम्मान

काठमाडौं । कुमारी बैंक लिमिटेडले अन्तर्राष्ट्रिय स्तरको प्रतिष्ठित इन्फोसिस फिन्याकल इन्टरनेसनल अवार्ड २०२६ अन्तर्गत व्यावसायिक मोडेल नवप्रवर्तन (Business Model Innovation) विधामा प्ल्याटिनम विजेताको उच्च सम्मान प्राप्त गरेको छ।

बैंकले ग्राहक पहिचान तथा अनुपालन (KYC Compliance) प्रक्रियामा लागू गरेको डिजिटल तथा प्रविधिमैत्री प्रणालीका लागि उक्त अवार्ड प्रदान गरिएको हो। ग्राहक पहिचान कार्यप्रवाहलाई छरितो, सुरक्षित र प्रभावकारी बनाउँदै नियामकीय मापदण्डहरूको कडाइका साथ पालना सुनिश्चित गर्ने नवप्रवर्तनात्मक अभ्यासलाई अन्तर्राष्ट्रिय स्तरमै उत्कृष्ट मानिएको बैंकले जनाएको छ।