अलैँची, अदुवा र बेसारको निर्यात बढाउन सहकार्य हुने

विराटनगर । कोशी प्रदेशमा उत्पादन हुने उच्च मूल्यका कृषि वस्तुहरू अलैँची, अदुवा र बेसारको मूल्य शृङ्खला विकास तथा निर्यात प्रवर्द्धन गर्ने उद्देश्यले विराटनगरमा सरोकारवालाहरूबिच अन्तरक्रिया भएको छ ।

नेपाल उद्योग वाणिज्य महासङ्घ कोशी प्रदेश र विश्व बैंक ग्रुपअन्तर्गतको इन्टरनेशनल फाइनान्स कर्पोरेसन (आईएफसी) को संयुक्त आयोजनामा शुक्रबार कार्यक्रम भएको हो ।