एनपीएलको तेस्रो संस्करण प्रसारण गर्ने अधिकार हिमालयन टीभीले पायो

काठमाडौं । नेपाल प्रिमियर लिग (एनपीएल)को तेस्रो संस्करणको प्रसारण अधिकार हिमालय टेलिभिजनले पाएको छ । हिमालयले १४ करोड ६४ लाख रुपैयाँमा नेपालभरिको प्रसारण अधिकार प्राप्त गरेको नेपाल क्रिकेट संघ (क्यान)ले जनाएको छ ।

प्रतियोगिता आउँदो कात्तिक ९ देखि मंसिर ५ गतेसम्म हुनेछ । प्रतियोगिताको साबिक विजेता लुम्बिनी लायन्स हो । पहिलो संस्करण भने जनकपुर बोल्ट्सले जितेको थियो ।