गण्डकीले उद्योग र पर्यटनमा छुट्यायाे २ अर्ब

पोखरा । गण्डकी प्रदेश सरकारले आगामी आर्थिक वर्षका लागि पर्यटन र औद्योगिक विकासलाई लक्षित गर्दै २ अर्ब रुपैयाँ बजेट विनियोजन गरेको छ । पोखराको फेवाताल संरक्षण तथा सौन्दर्यीकरण र राष्ट्रिय गौरवको धौवादी फलाम खानी उत्खनन तथा सञ्चालनलाई सरकारले प्राथमिकतामा दिएको छ ।

पर्यटनको राजधानी पोखराको फेवातालमा पोखरा महानगरपालिकासँगको साझेदारीमा सौन्दर्यीकरण गर्न ५ करोड रुपैयाँ विनियोजन गरेको छ । तालको संरक्षणसँगै राउन्ड फेवा, न्यु फेवा कार्यक्रमलाई निरन्तरता दिइएको सरकारले जनाएको छ । यस्तै, फेवातालमा फेवा होराइजन पेडेस्ट्रियन ब्रिज र सेल्फी ब्रिज निर्माण कार्य अघि बढाउने अर्थमन्त्री जितबहादुर शेरचनले जानकारी दिए ।