जुन पर्खालमा आमाका सपना प्रतीक्षारत छन्

बझाङ । दुर्गाथली गाउँपालिकाको मूलगेट पस्नेबित्तिकै पर्खालले ध्यान तान्छ । पर्खालमा रङीन चित्र छन् । केही अनुहार परिचित छन् भने केही इतिहासका पुराना पानाबाट झिकेर भित्तामा टाँसिएजस्ता लाग्छन् । कतै शहीदका तस्बिर छन्, कतै राष्ट्रिय तथा अन्तर्राष्ट्रियस्तरमा जिल्ला र देशको नाम चिनाएका खेलाडीका, कतै स्थानीय संस्कृति, भेषभूषा र परम्पराका चित्र छन् त कतै मानवतावादी राजा जयपृथ्वीबहादुर सिंह र राष्ट्रनिर्माता पृथ्वीनारायण शाहका अनुहार देखिन्छन् ।

दुर्गाथलीको पर्खाल आज पनि उभिएको छ । घाम लाग्छ, पानी पर्छ, हावा चल्छ र समयसँगै रङ फिका हुँदै जान्छ । पर्खालमा टाँसिएका तस्बिर अझै बोलिरहेजस्ता लाग्छन् । ईश्वर थापा, दीपेन्द्र थापा, भिमराज धामी, शुभाषकुमार बोहराहरू बोलिरहेझै लाग्छन्