कोसी प्रदेशबाट स्थानीय तहमा कति हस्तान्तरण हुँदै छ ससर्त अनुदान ?

विराटनगर । कोसी प्रदेश सरकारले यस वर्ष स्थानीय तहमा हस्तान्तरण गर्ने ससर्त अनुदानको हिस्सा बढी रहेको छ ।

प्रदेशसभामा आगामी आर्थिक वर्षको बजेट पेस गर्दै आर्थिक मामिला तथा योजनामन्त्री विदुर लिङ्थेपले यसबारे जानकारी गराएका हुन् ।

संविधानप्रदत्त रूपमा प्रदेशबाट स्थानीय तहमा विभिन्न अनुदान हस्तान्तरण हुन्छन् । साझा अधिकार सूची प्रभावकारी बनाउन, ससर्त र समपुरक अनुदान आयोजनाको प्रगतिको अधारमा उपलब्ध गराइने आर्थिक मामिला मन्त्रीले जनाए ।

कोसी सरकारले एक अर्ब ५० करोड वित्तीय समानीकरण अनुदान, ससर्त अनुदान दुई अर्ब ६३ करोड ३० लाख, स्थानीय तहको लागत साझेदारीमा समपुरक एक अर्ब ४२ करोड हस्तान्तरण गर्ने उनले जनाए । स्थानीय तहमा सवारी कर एक अर्ब २६ करोड हस्तान्तरण हुने अनुमान सरकारको छ ।

#कोसी प्रदेशसभा

#कोसी सरकार