जेलमा बस्नुपर्ने कैदीलाई भीआईपी सुविधा! होटलमा मासु–बियर, युवतीसँग रासलीला, उपचारको बहानामा बाहिर घुमाइएको आरोप

काठमाडौं । कारागारमा रहनुपर्ने एक कैदीलाई नियमविपरीत विशेष सुविधा उपलब्ध गराइएको आरोपपछि सम्बन्धित निकायमा हलचल मच्चिएको छ। कैदीलाई उपचारको बहानामा बाहिर निकालेर होटलमा लगिएको, मासु–बियर खुवाइएको तथा होटलको कोठा बुक गरेर युवतीसँग समय बिताउन दिइएको आरोप सार्वजनिक भएपछि छानबिन सुरु गरिएको बताइएको छ।

घटनामा संलग्न रहेको आरोप लागेका दुई प्रहरी कर्मचारीमाथि विभागीय कारबाही गरिएको र उनीहरूको जागिरसमेत गुमेको जनाइएको छ। प्रारम्भिक अनुसन्धानमा कैदीलाई अस्पताल लैजानुपर्ने प्रक्रियाको दुरुपयोग गरी बाहिर घुमफिर र अन्य गतिविधिमा संलग्न हुन सहयोग गरिएको आशंका गरिएको छ।