कुमारी बैंक पीसीएएफमा आबद्ध, अब ऋण लगानीको कार्बन उत्सर्जन मापन गर्ने

काठमाडौं– कुमारी बैंक लिमिटेड पार्टनरसिप फर कार्बन एकाउन्टिङ फाइनान्सियल (पीसीएएफ) मा आबद्ध भएको छ। पीसीएएफको सदस्य बनेसँगै बैंकले आफ्ना वित्तीय गतिविधिबाट हुने हरितगृह ग्यास उत्सर्जनको मापन तथा व्यवस्थापनमा थप पारदर्शिता अपनाउने प्रतिबद्धता जनाएको छ।

पीसीएएफमा आबद्ध भएपछि बैंकले आफ्ना ऋण तथा लगानीबाट हुने हरितगृह ग्यास उत्सर्जनको मापन र सार्वजनिक खुलासाका लागि पीसीएएफले विश्वव्यापी रूपमा मान्यता दिएको मापदण्ड तथा विधि प्रयोग गर्ने जनाएको छ।