खोटाङको बुँवाखोलामा मोटरेबल पक्की पुल सञ्चालनमा

खोटाङ । खोटाङको जन्तेढुङ्गा र बराहपोखरी गाउँपालिकाको सिमाना पर्ने बुँवाखोलामा निर्माण गरिएको मोटरेबल पक्की पुल शनिबार कोशी प्रदेश सरकारका भौतिक पूर्वाधार विकास एवम् स्वास्थ्यमन्त्री भूपेन्द्र राईले औपचारिक उद्घाटन गरेका छन् ।

कोशी प्रदेश सरकार, भौतिक पूर्वाधार विकास मन्त्रालयको १७ करोड ५८ लाख ६९ हजार ७२९ लागतमा बनेको उक्त पुल १४८ मिटर लामो मोटरेबल पक्की पुल हालसम्म खोटाङमा बनाइएका पक्की पुलमध्ये सबैभन्दा लामो पुल हो । उक्त पुल तोकिएको समयभन्दा वर्षदिन अघि नै निर्माण सम्पन्न भएको छ ।