नेपालगञ्ज म्याराथनको उपाधि नेपाली सेनाका खड्कालाई

नेपालगञ्ज । नेपालगञ्जमा शनिबार सम्पन्न नेपालगञ्ज म्याराथनको ११ औं उपाधि फेरी पनि नेपाली सेनाका खडकबहादुर खड्काले जितेका छन् । उनले उपाधिसँगै २ लाख नगद पुरस्कार समेत हात पारे ।

खड्काले निर्धारित ४२ किलोमिटरको दुरी २ घण्टा १५ मिनेट ८ सेकेण्डमा पार गरेका थिए । उनी गत संस्करणका पनि विजेता हुन् । यसैगरी २ घण्टा १६ मिनेट ४८ सेकेण्डमा ४२ किलोमिटरको दुरी पार गर्दै नेपाल आर्मीकै सुशीलकुमार शाही दोस्रो तथा २ घण्टा १९ मिनेट १८ सेकेण्डमा उक्त दुरी पार गर्दै सशस्त्र प्रहरीका गोपीचन्द्र पार्की तेस्रो भएका छन् । दोस्रो भएका शाही र तेस्रो भएका पार्कीले क्रमशः १ लाख र ५० हजार पुरस्कार जितेका छन् ।