कर्णाली बजेट : सुर्खेत विमानस्थल विस्तार गर्न ५ करोड

१ असार, सुर्खेत । कर्णाली प्रदेश सरकारले सुर्खेत विमानस्थल विस्तारका लागि ५ करोड रुपौंया विनियोजन गरेको छ । अर्थमन्त्री राजीवविक्रम शाहले आगामी आर्थिक वर्ष २०८३/८४ को वार्षिक बजेट प्रस्तुत गर्दै सङ्घीय सरकारसँगको सहकार्यमा विमानस्थल विस्तार गरिने बताए ।

प्रदेश सरकारले नीति तथा कार्यक्रममा समेत सुर्खेत विमानस्थल विस्तारको योजना अगाडि सारेको थियो । हरेक वर्ष दीर्घकालीन आवश्यकता सम्बोधन गर्न प्रादेशिक विमानस्थल निर्माणको लागि सङ्घीय सरकारसँग आवश्यक पहल गरिने योजना अघि सारिन्छ । तर, सुर्खेत विमानस्थल विस्तारको योजना अहिलेसम्म अघि बढ्न सकेको छैन ।