खोटाङमा जडीबुटी प्रशोधन केन्द्र सञ्चालनको तयारी

खोटाङ — यहाँ जडीबुटी उत्पादन, सङ्कलन तथा प्रशोधन केन्द्र सञ्चालन गर्ने तयारी गरिएको छ । कोशी प्रदेशको ३ करोड लगानीमा निजी तथा सार्वजनिक साझेदारीमा जडीबुटी उत्पादन, सङ्कलन तथा प्रशोधन केन्द्र स्थापना गरिन लागेको हो ।

कोशी प्रदेश स्वास्थ्य मन्त्रालयको लगानीमा उक्त केन्द्र सञ्चालन गर्न लागिएको कोशी प्रदेश भौतिक पूर्वाधार विकास तथा स्वास्थ्य मन्त्री भूपेन्द्र राईले बताए ।