कर्णालीमा भौतिक पूर्वाधारको बजेट पनि घट्यो, १० अर्ब ९३ करोड

सुर्खेत । कर्णालीमा भौतिक पूर्वाधार तथा सहरी विकास मन्त्रालयको बजेट घटेको छ । यसअघि सबैभन्दा धेरै र प्राथमिकतामा रहँदै आएको यो मन्त्रालयका लागि आगामी आर्थिक वर्षमा १० अर्ब ९३ करोड ८१ लाख १० हजार बजेट छुट्याइएको छ ।

चालु आर्थिक वर्षमा यो मन्त्रालयका लागि ११ अर्ब १ करोड विनियोजन गरिएको थियो । अर्थमन्त्री राजीवविक्रम शाहले आगामी आर्थिक वर्षको बजेट भाषण गर्दै पूर्वाधार तर्फ विगतका धेरैजसो आयोजनालाई बजेट विनियोजन गरे । ती आयोजनालाई सम्पन्न गर्न आगामी वर्ष सरकारले प्राथमिकता दिएको छ ।