पालमुनि आगलागी पीडित, बालबालिका, वृद्धवृद्धा र बिरामीको बिचल्ली

सर्लाहीको धन्कौलका आगलागी पीडित को बिचल्ली भएको छ । एक साताअघि धन्कौल गाउँपालिका –५ हरकठवामा भएको भीषण आगलागीबाट १३ विपन्न परिवारको घरबार खरानी भएको थियो ।

आगलागीबाट घरबास गुमाएका उनीहरू अचेल त्रिपाल टाँगेर बसिरहेका छन् । चर्को घाममा दिनरात त्रिपालमुनि बस्नु पर्दा बालबालिका, वृद्धवृद्धा र बिरामीलाई निकै मुश्किल हुने गरेको पीडितहरूको गुनासो छ । हावाहुरी र बर्सातको समेत समय भएकोले दिनदिनै चिन्ताले सताउन थालेको पीडित विकाउ पासवानले बताए ।