जलवायु परिवर्तनको असर भान्सासम्मै

जलवायु परिवर्तनको असर हेवाँ खोला र तमोर नदी सङ्गमस्थल वारिपारि बसोबास गर्ने माझी समुदायका भान्सासम्म नै परेको छ ।

पाँचथरको फिदिम नगरपालिका र हिलिहाङ गाउँपालिकामा यी माझी समुदायका बस्ती छन् । केही वर्षयता यहाँका बालीनाली, बस्तुभाउ र मानिसमा फरक फरक समस्या देखिएको स्थानीयवासीले बताएका छन् । छत्तिस घरधुरी रहेको माझी बस्तीमा बाढी, पहिरो, अनियमित वर्षा र खडेरीले जीवनयापन नै प्रभावित भएको छ ।