कोसी प्रदेशको बजेट ४० अर्ब ४४ करोड

विराटनगर। कोसी प्रदेश सरकारले आगामी आवका लागि ४० अर्ब ४४ करोड ९८ लाख रुपैयाँबराबरको बजेट ल्याएको छ।

कोसी प्रदेश सभा बैठकमा सोमबार कोसी प्रदेशका आर्थिक मामिला तथा योजनामन्त्री विदुरकुमार लिङ्थेपले आगामी आवको बजेट प्रस्तुत गरे। कुल विनियोजित बजेटमध्ये चालुतर्फ १३ अर्ब ९७ करोड ६३ लाख रुपैयाँ, पुँजीगततर्फ २० अर्ब ७५ करोड ९९ लाख, वित्तीय व्यवस्थातर्फ १५ करोड र वित्तीय हस्तान्तरणतर्फ पाँच अर्ब ५६ करोड ३६ लाख रुपैयाँ विनियोजन गरिएको छ। मन्त्री लिङ्थेपका अनुसार खर्च बेहोर्ने स्रोततर्फ आन्तरिक राजस्वबाट पाँच अर्ब ५० करोड रुपैयाँ, राजस्व बाँडफाँटबाट १२ अर्ब ८७ करोड रुपैयाँ संकलन हुने अनुमान छ।