रोस्टममै सांसद राईको मौन विद्रोह, भने- २ मन्त्रीको उपस्थितिले पुग्दैन, ७ जना थपेर ल्याउनुस्’

प्रतिनिधिसभाको बैठकमा नेकपा एमालेका सांसद राजेन्द्रकुमार राईले मन्त्रालयगत बजेट छलफलका क्रममा सम्बन्धित सबै मन्त्रीहरूको उपस्थिति माग गर्दै रोस्टममा उभिएरै विरोध जनाएका छन्।

विनियोजन विधेयकमाथि छलफल भइरहेका ९ वटा मन्त्रालयका मन्त्रीहरूमध्ये अधिकांशको अनुपस्थिति रहेको भन्दै सांसद राईले आफ्नो सम्बोधन सुरु गर्न अस्वीकार गरेका हुन्।