दुर्घटनामा घाइते निर्देशक सन्तोष सेनले देखाए मानवता, आफूसँगै ठोक्किएका पठाओ चालकको उपचार खर्च पनि व्यहोेरे

काठमाडौं- नेपाली फिल्म्का निर्माता तथा निर्देशक सन्तोष सेन सडक दुर्घटनामा परी घाइते भएका छन् । बिहानको समयमा ‘मर्निङ वाक’का लागि निस्किएका बेला मोटरसाइकलको ठक्करबाट उनी घाइते भएका हुन् ।

कलाकर्मी सँगको कुराकानीमा निर्देशक सेनले आफू मर्निङ वाकमा गइरहेको समयमा दुर्घटना भएको जानकारी दिए । उनका अनुसार रातभरि पठाओ चलाएर थकित अवस्थामा आएका मोटरसाइकल चालकलाई रोक्न संकेतस्वरूप हात देखाउँदा मोटरसाइकलले उनको हातमै ठक्कर दिएको थियो । ठक्करका कारण उनी लड्दा हात भाँचिएको छ भने मोटरसाइकल चालक पनि घाइते भएका थिए ।