‘विपद् जोखिम न्यूनीकरण र पूर्वतयारीमा धेरै लगानी गर्नुपर्छ’

कर्णाली । मानवीय क्षति हुन नदिन र नागरिकको जीउधनको सुरक्षाका लागि विपद् जोखिम न्यूनीकरण तथा पूर्वतयारीमा धेरै लगानी गर्नुपर्नेमा जोड दिइएको छ ।

जिल्ला प्रशासन कार्यालय सुर्खेतको समन्वय तथा सहजीकरणमा राष्ट्रिय विपद् जोखिम न्यूनीकरण तथा व्यवस्थापन प्राधिकरणद्वारा बुधबार सुर्खेत वीरेन्द्रनगरमा आयोजित ‘विपद् संवेदनशील सामाजिक सुरक्षा तथा राहत वितरण मापदण्ड–२०८१ सम्बन्धी अन्तरक्रिया’ कार्यक्रममा सरोकार भएकाहरूले यस्तो जोड दिएका हुन् ।