कमजोर खर्च क्षमता देखाएको कोशीले ल्यायो ४० अर्बभन्दा बढीको बजेट

चालु आर्थिक वर्षको १० महिनासम्म कुल बजेटको एक तिहाइभन्दा थोरै मात्र खर्च गर्न सकेको कोशी प्रदेश सरकारले आगामी आर्थिक वर्षका लागि भने महत्वाकांक्षी बजेट ल्याएको छ।

प्रदेश सरकारले आर्थिक वर्ष २०८३/८४ का लागि ४० अर्ब ४४ करोड ९८ लाख रुपैयाँको बजेट सार्वजनिक गर्दै सडक, सिँचाइ, पर्यटन, स्वास्थ्य र शिक्षा क्षेत्रमा लगानी बढाएर अर्थतन्त्र चलायमान बनाउने दाबी गरेको छ।