आकाशटेलको एआई आधारित ‘ह्वाट्सएप बिजनेस प्लेटफर्म’, एउटै प्लेटफर्मबाट मार्केटिङ र ग्राहक सेवा

काठमाडौँ । डिजिटल सञ्चार सेवा प्रदायक कम्पनी आकाशटेलले व्यावसायिक संस्थाहरूलाई लक्षित गर्दै आर्टिफिसियल इन्टेलिजेन्स (एआई) मा आधारित ह्वाट्सएप बिजनेस प्लेटफर्म सार्वजनिक गरेको छ । ग्राहकहरूसँगको डिजिटल संवादलाई प्रभावकारी, द्रुत र व्यवस्थित बनाउने उद्देश्यले कम्पनीले यो नयाँ समाधान नेपाली बजारमा ल्याएको हो ।

यसका लागि कम्पनीले मेटाबाट आधिकारिक रूपमा प्रमाणित ‘मेटा भेरिफाइड ह्वाट्सएप बिजनेस प्लेटफर्म’ तथा एपीआई सेवा उपलब्ध गराएको छ । यसबाट सानादेखि ठुला व्यवसायहरूलाई ह्वाट्सएपमार्फत नै ग्राहक सेवा, बिक्री र मार्केटिङका काम एउटै पोर्टलबाट सञ्चालन गर्न सक्षम बनाउने आकाशटेलले जनाएको छ ।