पैसा नपाएपछि खेलाडी मैदानमा उत्रिएनन्, टिमले जानाजान बेहोर्‍यो ‘वाकओभर’

२२ जेठ, काठमाडौं । बंगलादेशको ढाका प्रिमियर डिभिजन क्रिकेट लिगमा ब्रदर्स युनियनले खेलाडीको भुक्तानी विवादका कारण अग्रानी बैंकविरुद्धको खेलमा वाकओभर दिएको छ । सावारमा हुने खेलमा क्लबले खेलाडीलाई मैदानमा नउतार्ने निर्णय गरेपछि यो असामान्य अवस्था आएको हो ।

स्पिनर सोहाग गाजीका अनुसार क्लब व्यवस्थापनले बाँकी रकम नतिरेको भन्दै खेलाडीहरूले खेल्न अस्वीकार गरेका हुन् । त्यसपछि कप्तान जहीदुज्जमान टसमा पनि उपस्थित भएनन्, र अम्पायर मोनिरुज्जमान र शफीन शरीफले म्याच रेफ्री एनायत चौधरीको उपस्थितिमा वाकओभर घोषणा गरेका थिए ।