अमेरिकी सहायक विदेशमन्त्री कपुर र अर्थमन्त्री वाग्लेबीच भेटवार्ता

काठमाडौं । अर्थमन्त्री स्वर्णिम वाग्ले र संयुक्त राज्य अमेरिकाका सहायक विदेशमन्त्री एस पउल कपुरबीच भेटवार्ता भएको छ ।

मंगलबार सिंहदरबारस्थित अर्थ मन्त्रालयमा उनीहरूबीच भेटवार्ता भएको हो । भेटमा द्विपक्षीय हित, लगानी प्रवर्द्धन र साझेदारीका क्षेत्रमा छलफल भएको बताइएको छ ।

उक्त छलफलमा अमेरिकी लगानीकर्ताको लगानी सुरक्षित गर्ने, लगानीका वातावरण बनाउन कानुन सुधार गर्ने विषयमा मन्त्री वाग्लेले जानकारी गराएका थिए। अमेरिकी सहायक विदेशमन्त्री कपुरले अमेरिकी सरकारले नेपालको सुधार योजनालाई नियालीरहेको बताएका छन् ।

अमेरिकी अन्तर्राष्ट्रिय विकास तथा वित्तीय सहकार्य जस्ता संस्थाहरूसँगको साझेदारीमा दुवै मुलुकले लाभ लिन सक्ने कपुरले उल्लेख गरेका छन् ।

#अमेरिकी सहायक विदेशमन्त्री

#अर्थमन्त्री