मेस्सीको गोलले इन्टर मियामीलाई पोर्टोमाथि जित

काठमाडौँ । क्लब विश्वकप २०२५ मा इन्टर मियामीले युरोपेली क्लब एफसी पोर्टोविरुद्ध २–१ को ऐतिहासिक जित दर्ता गरेको छ। याे जितले इन्टर मियामीको प्रतियोगिताको यात्रा बलियो बनाएको छ ।

खेलको १२औँ मिनेटमै पोर्टोले पेनाल्टीमार्फत अग्रता लिएको थियो। पहिलो हाफमा पछि परेको इन्टर मियामीले दोस्रो हाफमा उत्कृष्ट पुनरागमन गर्‍यो। ४७औँ मिनेटमा टेलास्को सेगोभियाले मार्सेलो वेगान्ड्टको पासमा पहिलो टचमै उत्कृष्ट गोल गर्दै खेल बराबरीमा ल्याए। त्यसपछि खेलको ५४औँ मिनेटमा कप्तान लियोनल मेस्सीले बक्स बाहिरबाट फ्री–किकमार्फत शानदार गोल गर्दै इन्टर मियामीलाई २–१ को अग्रता दिलाए, जुन अन्तिम समयसम्म कायम रह्यो।