हर्मुजमा कर नलगाउन म्याक्रोनको चेतावनी, नत्र विमानवाहक युद्धपोत तैनाथ गर्ने

काठमाडौँ । फ्रान्सका राष्ट्रपति इम्यानुएल म्याक्रोनले सोमबार इरानलाई कडा चेतावनी दिँदै विश्वकै प्रमुख व्यापारिक हर्मुज जलमार्ग 'स्ट्रेट अफ हर्मुज' हुँदै ढुवानी हुने मालवाहक जहाजहरूमा कुनै पनि प्रकारको समुद्री कर नलगाउन आग्रह गरेका छन्।

इरानको फार्स समाचार एजेन्सीका अनुसार तेहरानले मध्यपूर्व युद्ध अन्त्य गर्न संयुक्त राज्य अमेरिकासँग हुन लागेको प्रस्तावित शान्ति सम्झौताको अन्तिम मस्यौदामा समुद्री सेवा शुल्क (कर) लगाउने नयाँ प्रावधान थपेपछि फ्रान्सको योप्रतिक्रिया आएको हो।