रूसको उत्तरी क्षेत्रमा हिमपहिरो : ११ जनाको मृत्यु, छ बेपत्ता

मस्को- रुसको उत्तरी काकेसस क्षेत्रमा रहेको काबार्दिनो–बाल्कारिया गणतन्त्रमा हिमपहिरोमा परी ११ जनाको मृत्यु भएको छ। घटनामा छ जना बेपत्ता छन् भने थप छ जना घाइते भएका छन्।

रुसी विपत् व्यवस्थापन मन्त्रालयका अनुसार ३३ जना आरोही रहेको समूहलाई हिमपहिरोले बगाएको थियो। हिमपहिरोमा परी ११ जनाको मृत्यु भएको, छ जना घाइते भएको र अन्य छ जना बेपत्ता रहेको मन्त्रालयले सोमबार पुष्टि गरेको हो।