अभिषेक शर्माको विस्फोटक शतकमा हैदराबादको सानदार जित

काठमाडौं । इन्डियन प्रिमियर लिग अन्तर्गत मंगलबार भएको खेलमा सनराइजर्स हैदराबादले दिल्ली क्यापिटल्समाथि ४७ रनको सानदार जित हासिल गरेको छ । अभिषेक शर्माको अविजित विष्फोटक शतकीय पारीको मद्दतले हैदराबादले प्रस्तुत गरेको २ सय ४३ रनको विशाल लक्ष्य पछ्याएको दिल्ली १ सय ९५ रनमा समेटियो ।

टस हारेर पहिले ब्याटिङ गरेको हैदराबादले निर्धारित २० ओभरमा मात्र २ विकेट गुमाएर २ सय ४२ रनको विशाल योगफल तयार पारेको थियो । उसका लागि ओपनर अभिषेक शर्माले उत्कृष्ट प्रदर्शन गर्दै केवल ६८ बलमा अविजित १३५ रन बनाए । उनलाई ट्राभिस हेडले २६ बलमा ३७ रन र हेनरिक क्लासेनले १३ बलमा अविजित ३७ रन बनाउँदै राम्रो साथ दिए। दिल्लीका लागि अक्षर पटेलले एक मात्र विकेट लिए ।