भिरबाट टेम्पो खसालेको घटना : वन अधिकृतसहित दुई जनाविरुद्ध जाहेरी दर्ता, १० जना छुटे

१ असार, धनगढी । भिरबाट टेम्पो खसालिएको घटनामा संलग्न दुई जना वन कर्मचारीविरुद्ध प्रहरीले किटानी जाहेरी दर्ता गरेर अनुसन्धान प्रक्रिया अगाडि बढाएको छ ।

घटनामा संलग्न डिभिजन वन कार्यालय धनगढीका वरिष्ठ डिभिजन वन अधिकृत कृष्णबहादुर बोहरा र जमदार चेतराज फुलारामाथि प्रहरीले सार्वजनिक शान्ति विरुद्धको कसुरमा जाहेरी दर्ता गरेर अनुसन्धान अघि बढाएको हो ।