कोलकाताविरुद्धको जितमा पञ्जाबले रच्यो नयाँ इतिहास

इडन गार्डन्स । जोनी बेयर्सटोको शानदार शतकको मद्दतको पञ्जाब किंग्सले टी–२० क्रिकेटको इतिहासमा सबैभन्दा ठुलो लक्ष्य सफलतापूर्वक पछ्याएको छ । शुक्रबार राति भएको इन्डियन प्रिमियर लिग (आईपीएल) को ४२ औँ खेलमा पञ्जाबले कोलकाता नाइट राइडर्सले प्रस्तुत गरेको २ सय ६२ रनको विशाल लक्ष्य हासिल गरेको हो ।

कोलकाताको घरेलु मैदानमा भएको खेलमा पञ्जाबले उक्त लक्ष्य मात्र दुई विकेटको क्षतिमा ८ बल अगावै पछ्यायो । खेलमा पञ्जाबले उत्कृष्ट सुरुवात गरेको थियो ।