रवि लामिछानेविरुद्ध सहकारी ठगीबाहेक सबै अभियोग खारेज

बुटवल। जिल्ला अदालत रूपन्देहीले राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्धको संगठित अपराध र सम्पत्ति शुद्धीकरणको अभियोग संशोधनका लागि सरकारी वकिल कार्यालयलाई अनुमति दिएको छ।

जिल्ला न्यायाधीश रमेशकान्त अधिकारीको इजलासले सोमबार अभियोग संशोधनका लागि सरकारी वकिल कार्यालयलाई अनुमति दिएको हो। गीतेन्द्रबाबु (जीबी) राईको समूहले सञ्चालन गरेको बुटवलको सुप्रिम सहकारीको ठगीमा लामिछानेलाई पनि प्रतिवादी बनाइएको थियो।