ट्रेड युनियन अधिकार खोसिएको भन्दै बालेन सरकारविरुद्ध जेनेभामा उजुरी गरिने

काठमाडौँ । संयुक्त ट्रेड युनियन समन्वय केन्द्र (जेटीयूसीसी) को टोली ट्रेड युनियन अधिकार र लोकतन्त्रमाथि सरकारले गरेको हस्तक्षेपको विषय अन्तर्राष्ट्रिय मञ्चमा उठाउन स्विट्जरल्याण्डको जेनेभा प्रस्थान गर्ने भएको छ।

जेनेभामा आयोजना हुन लागेको ‘अन्तर्राष्ट्रिय श्रमिक सम्मेलनको ११४औँ सत्र’ मा सहभागी हुन जेटीयूसीसीका अध्यक्ष, महासचिव तथा आबद्ध महासङ्घका अध्यक्षहरूको टोली भोलि जेठ २३ गते त्यसतर्फ प्रस्थान गर्न लागेको हो।