पारिश्रमिक नपाएपछि ब्रदर्स युनियनद्वारा खेल बहिष्कार, क्लब रेलिगेसनमा

ढाका प्रिमियर डिभिजन क्रिकेट लिगमा एउटा अनौठो र दुखद घटना भएको छ। खेलाडीहरूलाई उनीहरूको बाँकी पारिश्रमिक नदिएपछि 'ब्रदर्स युनियन' क्लबले खेल नै त्यागिदिएको छ।

सावरमा हुने तय भएको खेलमा ब्रदर्स युनियनका कप्तान जाहिदुज्जमान टसका लागि मैदानमा आएनन्। कप्तान नआएपछि म्याच रेफ्रीले विपक्षी टोली 'अग्रानी बैंक' लाई विजयी (वाकओभर) घोषणा गरिदिए।